გარე სანათი ხელსაწყოები და ხმოვანი სიგნალი

Երթևեկող մեխանիկական տրանսպորտային միջոցների վրա օրվա մութ ժամանակ կամ անբավարար տեսանելիության պայմաններում պետք է միացած լինեն.

1. 1 Միայն մոտակա կամ հեռահար լուսավորման լապտերները:
2. 2 Միայն առջևի և հետին եզրաչափային լույսերը:
3. 3 Մոտակա կամ հեռահար լուսավորման լապտերները և հետին եզրաչափային լույսերը:
4. 4 Միայն հակամառախուղային լապտերները:

Անբավարար տեսանելիության պայմաններում կամ նեղ ոլորապտույտ ճանապարհներով երթևեկելիս` հակամառախուղային լապտերների միացումն իրականացվում է.

1. 1 Միայն առջևի և հետին եզրաչափային լույսերի հետ:
2. 2 Վթարային լուսային ազդանշանի հետ:
3. 3 Հեռահար և մոտակա լուսավորման լապտերների հետ:

Առջևի եզրաչափային լույսերով կահավորված մեխանիկական տրանսպորտային միջոցի վրա այսպիսի լույսերը պետք է միացվեն․

1. 1 Միայն առջևի հակամառախուղային լապտերների հետ
2. 2 Հեռու կամ մոտիկ լույսի լապտերների հետ կամ առջևի հակամառախուղային լապտերների հետ
3. 3 Միայն հեռու լույսի լապտերների հետ
4. 4 Միայն մոտիկ լույսի լապտերների հետ

Եթե մեխանիկական տրանսպորտային միջոցի կամ կցորդի վրա տեղադրված են հետին հակամառախուղային լապտերներ, դրանք պետք է լինեն.

1. 1 Սպիտակ գույնի:
2. 2 Դեղին գույնի:
3. 3 Կարմիր գույնի:

Եթե հանդիպակաց երթևեկող տրանսպորտային միջոցի վարորդը չի տեղեկացնում դրա անհրաժեշտության մասին, հեռահար լուսավորման լապտերները պետք է անջատվեն և դրանց փոխարեն միացվեն մոտակա լուսավորման լապտերները, հանդիպակաց երթևեկողի կողքով անցնելիս, ոչ պակաս, քան.

1. 1 200 մետր հեռավորության վրա:
2. 2 300 մետր հեռավորության վրա:
3. 3 150 մետր հեռավորության վրա:

Հեռահար լուսավորման լապտերները պետք է անջատվեն և դրանց փոխարեն միացվեն մոտակա լուսավորման լապտերները.

1. 1 Բնակելի գոտում երթևեկելիս:
2. 2 Երբ պետք է կանխվի ճանապարհային երթևեկության մյուս մասնակիցների կամ ճանապարհի երկայնքով անցնող, նավարկային կամ ռելսային ճանապարհներից օգտվողների տեսողության մթագնումը:
3. 3 Եթե տեսանելիությունը 300 մետրից պակաս է:

Բնակավայրերում, եթե ճանապարհը բավականաչափ չի լուսավորված.

1. 1 Պետք է միացվեն մոտակա լուսավորման լապտերները:
2. 2 Պետք է միացվեն եզրաչափային լույսերը:
3. 3 Պետք է միացվեն հեռահար լուսավորման լապտերները:

Թո՞ւյլ է տրվում արդյոք տրանսպորտային միջոցները առջևում կարմիր և հետևում սպիտակ լույսերով կահավորել:

1. 1 Թույլ է տրվում:
2. 2 Թույլ չի տրվում:
3. 3 Թույլ է տրվում, միայն հատուկ ծառայության տրանսպորտային միջոցների վրա:

Թույլատրվո՞ւմ է արդոք տրանսպորտային միջոցի կառուցվածքը փոփոխել կամ այն կահավորել լրացուցիչ լույսերով:

1. 1 Թույլ չի տրվում:
2. 2 Թույլ է տրվում, միայն Օրենսդրությամբ նախատեսված պահանջների պահպանմամբ:

Թո՞ւյլ է տրվում արդյոք միևնույն տրանսպորտային միջոցի վրա միանման նշանակման և միևնույն կողմ ուղղված տարբեր գույնի լապտերների տեղադրում:

1. 1 Թույլ է տրվում, միայն օպերատիվ ծառայության ավտոմեքենայի վրա:
2. 2 Թույլ է տրվում:
3. 3 Թույլ չի տրվում:

Բնակավայրում լապտեր-լուսարձակից և փնտրող լապտերից օգտվել կարող են (է).

1. 1 Միայն վտանգավոր բեռ փոխադրող ավտոտրանսպորտային միջոցների վարորդները:
2. 2 Միայն օպերատիվ և հատուկ ծառայությունների տրանսպորտային միջոցների վարորդները` ծառայողական պարտականություն կատարելիս:
3. 3 Ցանկացած վարորդ, ցանկության դեպքում:

Լապտեր-լուսարձակից և փնտրող լապտերից օգտվել թույլատրվում է.

1. 1 Բնակավայրում այն ճանապարհի վրա, որտեղ յուրաքանչյուր ուղղության համար մեկ երթևեկելի գոտի կա, առանց մեջտեղում տրամվայի գծերի:
2. 2 Բնակավայրում միակողմ երթևեկությամբ ճանապարհի երևեկելի մասում:
3. 3 Միայն չբնակեցված վայրում, եթե չկա հանդիպակաց երթևեկող տրանսպորտային միջոց:

Կարելի՞ է, որ տրանսպորտային միջոցները կանգնեն կամ գտնվեն կայանատեղում, առանց որևէ տեսակի արտաքին լուսավորման սարքի միացման:

1. 1 Այս տոմսում թվարկված ցանկացած դեպքում
2. 2 Միայն երթևեկելի մասի և պինդ ծածկույթով կողնակներից դուրս:
3. 3 Միայն այնպես լուսավորված ճանապարհի վրա, որտեղ տրանսպորտային միջոցը հնարավոր է լավ տեսնել (տարբերել) բավական հեռավորության վրա:

Օրվա մութ ժամանակ կամ անբավարար տեսանելիության պայմաններում, վերելքի ավարտին մոտենալիս, տրանսպորտային միջոցի վարորդը պետք է անջատի հեռահար լուսավորման լապտերները և միացնի մոտակա լուսավորման լապտերները.

1. 1 Միայն հանդիպակաց տրանսպորտային միջոց հայտնվելու ժամանակ:
2. 2 Ցանկացած դեպքում` վերելքի ավարտին մոտենալիս:

Օրվա մութ ժամանակ, ուժեղ ձյունաթափի պայմաններում տրանսպորտային միջոցի ո՞ր արտաքին լուսավորման սարքերի միացումն է ապահովում ճանապարհի ավելի լավ տեսանելիություն:

1. 1 Հակամառախուղային լապտերները, հեռահար լուսավորման լապտերների հետ:
2. 2 Հակամառախուղային լապտերները, մոտակա լուսավորման լապտերների հետ:
3. 3 Հեռահար լուսավորման լապտերները:

Մոտոսաղավարտի վրա ճաքի առաջացման դեպքում վարորդը պետք է.

1. 1 Մոտոսաղավարտի տակից կրի կտորից գլխարկ:
2. 2 Ձեռք բերի նոր մոտոսաղավարտ, քանի որ հինն այլևս չի կարող ապահովել պաշտպանվածություն:
3. 3 Ճաքը սոսնձի և մոտոսաղավարտը ներկի:

Ճանապարհի վրա գտնվող շան մոտով անցնող մոտոցիկլի վարորդը պետք է.

1. 1 Ցուցաբերի առանձնահատուկ զգուշություն, քանի որ, հնարավոր է, շունը ցուցաբերի ագրեսիա և իր ուղղությամբ շարժվի:
2. 2 Նկատի ունենա, որ բոլոր շները վախենում են շարժվող տրանսպորտային միջոցներից, ինչի պատճառով նա հանդես չի բերում ագրեսիվություն:

Ասֆալտե ծածկույթով ճանապարհից խճապատ ճանապարհի անցնելիս` մոտոցիկլի վարորդը պետք է.

1. 1 Ավելացնի երթևեկության արագությունը, որպեսզի պակաս զգացվի ճանապարհի ծածկույթի ազդեցությունը ղեկի վրա:
2. 2 Ընտրի երթևեկության համապատասխան արագություն և խուսափի կտրուկ շարժումներից:
3. 3 Դադարեցնի երթևեկությունը, քանի որ խճապատ ճանապարհին արգելվում է մոտոցիկլով երթևեկությունը:

Մոտոցիկլի առջևի արգելակը հետևի արգելակից ավելի էֆեկտիվ է, քանի որ.

1. 1 Այս տոմսում թվարկված բոլոր պատասխանները ճիշտ են
2. 2 Մոտոցիկլի առջևի անվադողը հետևի անվադողից նեղ է
3. 3 Արգելակման ժամանակ փոխվում է սռնու վրա բեռնվածության բաշխումը, և ավելանում է բեռնվածությունը առջևի անվադողի վրա
4. 4 Առջևի արգելակը գործողության մեջ ենք բերում ձեռքով

Մոտոցիկլի անվադողերի մեջ օդի ցածր ճնշումը կարող է հարուցել.

1. 1 Այս տոմսում թվարկված ցանկացած հանգամանք
2. 2 Միայն մոտոցիկլի կառավարելիության վատթարացում
3. 3 Միայն անվադողի պահտպանաշերտի նախշանկարի անհավասար մաշվածություն