გადაზიდვები — ხალხი და ტვირთი

Պարտավո՞ր է արդյոք վարորդը, երեխաների խմբի ուղեկցորդի նշանով, ճանապարհը զիջել այն երեխաներին, որոնք հատում են երթևեկելի մասը:

1. 1 Պարտավոր է:
2. 2 Պարտավոր չէ:

Երեխաների խմբեր տեղափոխելիս` խումբը պետք է բաժանվի շարասյուների, շարասյան մեջ ոչ ավելի, քան.

1. 1 Չորս երեխա:
2. 2 Երեք երեխա:
3. 3 Երկու երեխա:

Արգելվում է արդյո՞ք ուղևորների փոխադրում, եթե ուղևորների թիվը գերազանցում է տրանսպորտային միջոցի տեխնիկական բնութագրով նախատեսված քանակը (առանց մինչև 12 տարեկան երեխաների նախատեսման):

1. 1 Արգելվում է:
2. 2 Չի արգելվում:

Թույլատրվո՞ւմ է արդյոք այն քանակությամբ կամ այնպես տեղափոխել ուղևորներին, որ դա խանգարի վարելուն կամ սահմանափակի վարորդի տեսադաշտը:

1. 1 Թույլատրվում է, միայն չբնակեցված վայրերում, երկրորդական ճանապարհի վրա, այն պայմանով, որ տրանսպորտային միջոցի արագությունը չպետք է գերազանցի 40 կմ/ժ-ը:
2. 2 Չի թույլատրվում:
3. 3 Թույլատրվում է, միայն վարորդի համաձայնությամբ:

Չի արգելվում ուղևորների փոխադրումը.

1. 1 Տրակտորի և այլ ինքնաշարժ մեքենաների սրահից կամ խցիկներից դուրս
2. 2 Քարշակող ավտոբուսով
3. 3 Բեռնատար մոտոցիկլի թափքում
4. 4 Բեռնատար ավտոմեքենայի կցորդում, կցորդ-ամառանոցում

Արգելվո՞ւմ է արդյոք ուղևորների փոխադրում այն տրանսպորտային միջոցով, որի փաստացի զանգվածը գերազանցում է նրա թույլատրելի առավելագույն զանգվածը:

1. 1 Արգելվում է:
2. 2 Չի արգելվում:

Տրանսպորտային միջոցի վրա ցանկացած բեռ այնպես պետք է տեղավորվի և անհրաժեշտության դեպքում ամրացվի, որ նրա փոխադրման ժամանակ.

1. 1 Պահպանվեն այս տոմսում թվարկված բոլոր պայմանները
2. 2 Միայն սահմանափակված չլինի տեսանելիությունը և տեսադաշտը, չխախտվի տրանսպորտային միջոցի կայունությունը և չդժվարանա նրա ղեկավարումը
3. 3 Միայն չծածկվեն արտաքին լուսային սարքերը, «կանգ առ» ազդանշանը, շրջադարձի ցուցիչները, լուսանդրադարձիչները, հաշվառման համարը և հաշվառող պետության տարբերակիչ նշանը, նաև սույն օրենքով նախատեսված, ձեռքով տրվող ազդանշանները
4. 4 Միայն վտանգ չստեղծվի ճանապարհային երթևեկության մյուս մասնակիցներին, վնաս չհասնի պետական, հասարակական և մասնավոր գույքին, բեռը քարշ չգա և չթափվի ճանապարհին

Բեռը պետք է նշվի «Մեծ եզրաչափերով բեռ» ճանաչման նշանով, եթե այն տրանսպորտային միջոցի առջևի կամ հետին եզրաչափերից դուրս է ցցված.

1. 1 1,0 մետրից ավելի:
2. 2 1,5 մետրից ավելի:
3. 3 2,0 մետրից ավելի:

Բեռը պետք է նշվի «Մեծ եզրաչափերով բեռ» ճանաչման նշանով, եթե այն տրանսպորտային միջոցի կողքից, եզրաչափային լույսի արտաքին եզրից դուրս է ցցված.

1. 1 0,6 մետրից ավելի:
2. 2 0,5 մետրից ավելի:
3. 3 0,4 մետրից ավելի:

Օրվա մութ ժամանակ կամ անբավարար տեսանելության պայմաններում, տրանսպորտային միջոցի եզրաչափերից դուրս, առաջ կամ/և հետ մեկ մետրից ավելի, կամ կողքից` եզրաչափային լույսի արտաքին եզրից 0,4 մետրից ավելի դուրս ցցված բեռը լրացուցիչ պետք է նշվի.

1. 1 Միայն հետևից` կարմիր լապտերիկով կամ լուսանդրադարձիչով:
2. 2 Միայն առջևից` սպիտակ լապտերիկով կամ լուսանդրադարձիչով:
3. 3 Ինչպես առջևից`սպիտակ լապտերիկով կամ լուսանդրադարձիչով, այնպես էլ հետևից` կարմիր լապտերիկով կամ լուսանդրադարձիչով:

Տրանսպորտային միջոցով երեխաների տեղափոխումը թույլ է տրվում.

1. 1 Միայն կանգնած վիճակում:
2. 2 Նստած վիճակում, եթե տրանսպորտային միջոցի կառուցվածքը նախատեսում է նստելու տեղեր, իսկ եթե չի նախատեսում` կանգնած վիճակում:
3. 3 Միայն նստած վիճակում:

Ճանապարհին կամ նրա մերձակայքում երեխա տեսնելու դեպքում, վարորդը պետք է.

1. 1 Ցուցաբերի առանձնահատուկ զգուշություն և երթևեկի այնպիսի արագությամբ, որը թույլ կտա խուսափել վտանգից և անհրաժեշտության դեպքում, առանց կտրուկ արգելակման կարողանա կանգնել:
2. 2 Կանգնեցնի տրանսպորտային միջոցը և միացնի վթարային լուսային ազդանշանը:
3. 3 Ավելացնել արագությունը, որպեսզի ժամանակին անցնի ճանապարհի տվյալ հատվածը:

Ճանապարհին կանգնած ավտոբուս տեսնելու դեպքում, որը կահավորված է «Երեխաների փոխադրում» ճանաչման նշանով, վարորդը պարտավոր է.

1. 1 Տալ ձայնային ազդանշան և անցնել առանց կանգ առնելու:
2. 2 Ցուցաբերի առանձնահատուկ զգուշություն և երթևեկի այնպիսի արագությամբ, որը թույլ կտա խուսափել վտանգից և անհրաժեշտության դեպքում, առանց կտրուկ արգելակման կարողանա կանգնել:
3. 3 Կանգնեցնել տրանսպորտային միջոցը և չշարժել այն, մինչև տվյալ ավտոբուսը չշարունակի երթևեկությունը:

Պարտավո՞ր է արդյոք ճանապարհով երթևեկող տրանսպորտային միջոցի վարորդը ճանապարհը զիջել սպիտակ գույնի ձեռնափայտով տեղաշարժվող կույր հետիոտնին, որը հատում է երթևեկելի մասը:

1. 1 Պարտավոր է բոլոր դեպքերում:
2. 2 Պարտավոր չէ:
3. 3 Պարտավոր է, միայն այն դեպքում, եթե կույր հետիոտնը տեղաշարժվում է կարգավորվող հետիոտնային անցման վրա:

Ո՞ր դեպքում է պարտավոր վարորդը ճանապարհը զիջել ուղեկցող շան հետ տեղաշարժվող կույր հետիոտնին:

1. 1 Պարտավոր է, միայն այն դեպքում, եթե կույր հետիոտնը տեղաշարժվում է չկարգավորվող հետիոտնային անցման վրա:
2. 2 Պարտավոր է բոլոր դեպքերում:
3. 3 Պարտավոր է, միայն այն դեպքում, եթե կույր հետիոտնը տեղաշարժվում է կարգավորվող հետիոտնային անցման վրա:

Թո՞ւյլ է տրվում արդյոք, որ հետիոտնը տեղաշարժվի երթևեկելի մասի եզրի մոտ` հետիոտների տեղաշարժման համար հատկացված մայթի առկայության դեպքում:

1. 1 Թույլ է տրվում ցանկացած դեպքում:
2. 2 Թույլ է տրվում, եթե նա տեղափոխում է մեծածավալ բեռ, ինչի պատճառով նրա` մայթով տեղաշարժվելը, կխոչընդոտի ուրիշ հետիոտների:
3. 3 Թույլ չի տրվում:

Թո՞ւյլ է տրվում արդյոք նստասայլակով տեղաշարժվող սահմանափակ կարողություններով անձին տեղափոխվել երթևեկելի մասի եզրով, երթևեկության համար հատկացված հետիոտնային արահետի գոյության դեպքում:

1. 1 Թույլ է տրվում ցանկացած դեպքում:
2. 2 Թույլ է տրվում, միայն այն դեպքում, եթե հետիոտնային արահետով հետիոտների ինտենսիվ տեղաշարժ է:
3. 3 Թույլ չի տրվում:

Թո՞ւյլ է տրվում արդյոք հետիոտնին տեղաշարժվել երկկողմ երթևեկությամբ ճանապարհի բաժանարար գոտու վրա, եթե նրա վրա չկա մայթ:

1. 1 Թույլ է տրվում միայն ավտոմայրուղիներում:
2. 2 Թույլ չի տրվում:
3. 3 Թույլ է տրվում, եթե տվյալ ճանապարհի վրա երթևեկությունը թույլատրվում է ոչ ավելի, քան 60 կմ/ժ արագությամբ:

Տրանսպորտային միջոցը համարվում է եզրաչափերը գերազանցող (խոշոր եզրաչափով), եթե բեռը նրա հետին եզրաչափի կետից դուրս է ցցված.

1. 1 1 մետր:
2. 2 1,70 մետր:
3. 3 2 մետր:
4. 4 2 մետրից ավելի:

Տրանսպորտային միջոցի վրա փոխադրվող բեռի տեղաբաշխման կամ/և ամրացման ժամանակ, ստորև թվարկված ո՞ր պահանջների նախատեսումը պարտադիր չէ:

1. 1 Պարտադիր է նախատեսել այս տոմսում թվարկված բոլոր պահանջները
2. 2 Չպետք է սահմանափակվի տեսանելիությունը և տեսադաշտը, չպետք է թուլանա տրանսպորտային միջոցի կայունությունը և դժվարանա նրա կառավարումը
3. 3 Վտանգ չպետք է ստեղծվի ճանապարհային երթևեկության մյուս մասնակիցներին, չվնասվի պետական, հասարակական և մասնավոր գույքը, բեռը քարշ տալով չտեղափոխվի և չթափվի ճանապարհի վրա
4. 4 Չպետք է ծածկվեն արտաքին լուսային սարքերը, կանգ-ազդանշանը, շրջադարձի լուսային ցուցիչը, լուսանդրադարձիչները, համարանիշները և հաշվառող պետության տարբերակիչ նշանը, նաև ձեռքով տրվող ազդանշանները