Տոմսերի ամբողջական ցանկ

Մինչև հետիոտնային անցում մուտք գործելը, վարորդը պարտավոր է համոզվել, որ.

1. 1 Անցման մակերևույթը սառած չէ:
2. 2 Անցման վրա հանդիպակաց ուղղությունից չի տեղաշարժվում այլ տրանսպորտային միջոց:
3. 3 Հարկադրված չի լինի կանգ առնել նրա վրա:

Առավելությունը (առաջնահերթությունը).

1. 1 Ճանապարհային երթևեկության մասնակցի պարտավորությունն է չիրականացնել մանևր, եթե դա ճանապարհային երթևեկության այլ մասնակցին հարկադրված կդարձնի անհապաղորեն փոխել արագությունը կամ ուղղությունը:
2. 2 Ճանապարհային երթևեկության մասնակցի իրավունքն է, ճանապարհային երթևեկության այլ մասնակիցների համեմատ` առաջինը շարժվել նախանշված ուղղությամբ:

«Անբավարար տեսանելիություն» է համարվում թունելն անցնելիս, օրվա մութ ժամանակ, մառախուղի, անձրևի, ձյունաթափի և այլ բնական երևույթների ժամանակ, ճանապարհի տեսանելիության նվազումը.

1. 1 600 մետրից պակաս հեռավորության վրա:
2. 2 300 մետրից պակաս հեռավորության վրա:
3. 3 500 մետրից պակաս հեռավորության վրա:

«Բաժանարար գոտին».

1. 1 Ճանապարհի մաս է, որը սովորաբար օգտագործվում է ոչ ռելսագնաց տրանսպորտային միջոցների երթևեկության համար:
2. 2 Հարակից երթևեկելի մասերը բաժանող ճանապարհի կառուցվածքորեն առանձնացված տարր է, որը նախատեսված չէ ոչ ռելսագնաց տրանսպորտային միջոցների երթևեկության համար:
3. 3 Հորիզոնական ճանապարհային գծանշմամբ նշված կամ չգծանշված ցանկացած գոտի այն երկայնական գոտիներից է, որոնց կարող է բաժանված լինել ճանապարհի երթևեկելի մասը:

«Վազանցել» նշանակում է.

1. 1 Զբաղեցված գոտուց դուրս գալով, միևնույն գոտում համընթաց ուղղությամբ, առջևում շարժվող մեկ կամ մի քանի տրանսպորտային միջոցից առաջ անցնելը:
2. 2 Հարևան երթևեկության գոտում հանդիպակաց ուղղությամբ երթևեկող մեկ կամ մի քանի տրանսպորտային միջոցի կողքով անցնելը:
3. 3 Համընթաց ուղղությամբ երթևեկության գոտիներում տրանսպորտային միջոցի` երթևեկելի մասի եզրերին մոտ գտնվող գոտիներում երթևեկող տրանսպորտային միջոցից, ավելի արագ երթևեկությունը:

«Կանգառը» նշանակում է.

1. 1 Տրանսպորտային միջոցի երթևեկության կանխամտածված ընդհատում, ճանապարհային երթևեկության կազմակերպման տեխնիկական միջոցների կամ կարգավորողի պահանջների պատճառով:
2. 2 Տրանսպորտային միջոցի երթևեկության կանխամտածված ընդհատում մինչև 5 րոպե ժամանակով, ինչպես նաև ավելի երկարատև, եթե դա անհրաժեշտ է ուղևորների նստեցման, իջեցման կամ տրանսպորտային միջոցների բեռնման, բեռնաթափման համար:
3. 3 Տրանսպորտային միջոցի երթևեկության կանխամտածված ընդհատում տրանսպորտային հոսքում:

«Խաչմերուկը».

1. 1 Տարբեր մակարդակների վրա գտնվող երթևեկելի մասերի հատում:
2. 2 Մերձակա տարածքներից ելքերի և ճանապարհների հատում:
3. 3 Միևնույն մակարդակի վրա ճանապարհների հատում, միացում կամ ճյուղավորում է, կամ ներառյալ այսպիսի հատումով, միացումով կամ ճյուղավորմամբ առաջացած տարածքները:

«Ճանապարհը զիջելը (խոչընդոտ չստեղծելը»).

1. 1 Ճանապարհային երթևեկության մասնակցի պարտավորությունն է չշարունակել կամ չվերսկսել երթևեկությունը, կամ չկատարել մանևր, եթե դա առավելություն (առաջնահերթություն) ունեցող երթևեկության մասնակցին կպարտադրի անսպասելիորեն փոխել շարժման ուղղությունը կամ արագությունը:
2. 2 Ճանապարհային երթևեկության մասնակցի իրավունքն է, ճանապարհային երթևեկության այլ մասնակիցների համեմատ, առաջինը երթևեկել նախանշված ուղղությամբ:

Ճանապարհա-տրանսպորտային պատահարի հետևանքով տուժածի կոնքոսկրի և ազդրոսկրի կոտրվածքի դեպքում, մինչև «Բժշկական շտապ օգնության» գալը, նրան պետք է.

1. 1 Պառկեցնել կողքի, չվնասված կողմի վրա, վնասված տեղի վրա դնել թաց թրջոց, տալ ցավազրկող դեղամիջոց:
2. 2 Պառկեցնել մեջքի վրա, ծնկների տակ տեղադրել պինդ փաթաթած փաթաթան կամ հագուստ, տալ ցավազրկող դեղամիջոց:

«Բնակավայրը».

1. 1 Ցանկացած տարածք է, որտեղ բնակվում են մարդիկ:
2. 2 Ցանկացած ճանապարհ է, որը նախատեսված է հետիոտների ինտենսիվ տեղաշարժման համար:
3. 3 Կառուցապատ տարածք է, որի մուտքն ու ելքը նշված են համապատասխան ճանապարհային նշաններով:

«Բեռով զանգվածը».

1. 1 Տրանսպորտային միջոցի զանգվածն է, առանց վարորդի, ուղևորների և բեռի, սակայն վառելանյութի լրիվ պաշարով և անհրաժեշտ գործիքների լրակազմով:
2. 2 Գործարան-արտադրողի կողմից սահմանված տրանսպորտային միջոցի զանգվածն է, առանց վարորդի, ուղևորների և բեռի:
3. 3 Տվյալ ժամանակահատվածում բեռնավորված տրանսպորտային միջոցի փաստացի զանգվածն է, ներառյալ անձնակազմը և ուղևորները:

«Առանց բեռի զանգվածը».

1. 1 Տվյալ ժամանակահատվածում չբեռնավորված տրանսպորտային միջոցի փաստացի զանգվածն է, ներառյալ անձնակազմը և ուղևորները:
2. 2 Գործարան-արտադրողի կողմից սահմանված տրանսպորտային միջոցի զանգվածն է, առանց վարորդի, ուղևորների և բեռի, սակայն վառելանյութի լրիվ պաշարով և անհրաժեշտ գործիքների լրակազմով:
3. 3 Հաշվառման ծառայության կողմից սահմանված, տրանսպորտային միջոցի զանգվածն է, առանց վարորդի, ուղևորների և բեռի:

«Կայանում» նշանակում է.

1. 1 Տրանսպորտային միջոցի երթևեկության կանխամտածված ընդհատում մինչև 5 րոպե ժամանակով կամ ավելի երկարատև, եթե դա անհրաժեշտ է ուղևորների նստեցման, իջեցման կամ տրանսպորտային միջոցների բեռնման, բեռնաթափման համար:
2. 2 Տրանսպորտային միջոցի երթևեկության կանխամտածված ընդհատում 5 րոպեից ավել ժամանակով, եթե դա կապված չէ ուղևորների նստեցման, իջեցման կամ տրանսպորտային միջոցների բեռնման, բեռնաթափման համար:

Թվարկվածներից ո՞րը կարող է դառնալ տրանսպորտային միջոցին հետևից բախվելու պատճառ:

1. 1 Միայն առջևից ընթացող տրանսպորտային միջոցի անսպասելի և կտրուկ արգելակումը
2. 2 Այս տոմսում թվարկված ցանկացած հանգամանք
3. 3 Միայն առջևից ընթացող տրանսպորտային միջոցի հետ ոչ համապատասխանաբար պահպանած միջտարածությունը
4. 4 Միայն վարորդի անուշադրությունը

«Մերձակա տարածքը».

1. 1 Մեկ մակարդակի վրա ճանապարհների հատում, միացում և ճյուղավորում է, ներառյալ այսպիսի հատումով, միացումով կամ ճյուղավորմամբ առաջացած տարածքները:
2. 2 Տարածք է, որն անմիջապես ճանապարհին է սահմանակցում և նախատեսված չէ տրանսպորտային միջոցի միջանցիկ երթևեկության համար (բակ, բնակելի զանգված, ավտոկայանատեղի, ավտոլցման կայան, հաստատություն և այլն):
3. 3 Ճանապարհի տարր է, որը նախատեսված է ոչ ռելսագնաց տրանսպորտային միջոցների երթևեկության համար (բացի մայթից, կողնակից, հեծանվային արահետից և հետիոտնային արահետից):

«Երթևեկության գոտին».

1. 1 Կառուցվածքով առանձնացված ճանապարհային տարր է, որը բաժանում է սահմանակից երթևեկելի մասերը:
2. 2 Հորիզոնական ճանապարհային գծանշմամբ կամ չգծանշված ցանկացած գոտի է, մեկն այն երկայնական գոտիներից, որոնց կարող է բաժանվել երթևեկելի մասը, սակայն որն ունի մոտոցիկլից տարբեր ավտոմոբիլային տրանսպորտի մեկ շարքով երթևեկելու համար բավարար լայնություն:
3. 3 Երթևեկության համար բաց ճանապարհի կամ փողոցի ամբողջ մակերևույթն է:

«Թույլատրելի առավելագույն զանգվածը».

1. 1 Բեռնված տրանսպորտային միջոցի առավելագույն զանգվածն է, որը թույլատրված է հայտարարվել այն պետության իրավազոր մարմնի կողմից, որում հաշվառված է տրանսպորտային միջոցը:
2. 2 Բեռով և ուղևորներով բեռնված, լրակազմված վիճակում գտնվող տրանսպորտային միջոցի զանգվածն է, որի սահմանը որոշել է տրանսպորտային միջոցի արտադրող կազմակերպությունը:
3. 3 Տվյալ ժամանակահատվածում բեռնավորված տրանսպորտային միջոցի փաստացի զանգվածն է, ներառյալ վարորդը և ուղևորները:

«Դանդաղընթաց տրանսպորտային միջոցը».

1. 1 Շարժիչով տրանսպորտային միջոց է, որի կառուցվածքով սահմանված արագությունը չի գերազանցում 40 կմ/ժ-ը կամ նշված արագությունը չի կարող գերազանցել կամ գերազանցելն արգելվում է տրանսպորտային միջոցների հոսքի հետ չկապված պատճառով:
2. 2 Ցանկացած տրանսպորտային միջոց է, որը տեղաշարժվում է ոչ ավել, քան 50 կմ/ժ արագությամբ:
3. 3 Շարժիչով և առանց շարժիչ տրանսպորտային միջոց է, որի կառուցվածքով սահմանված արագությունը չի գերազանցում 45 կմ/ժ-ը:

«Երկաթուղային գծանցը».

1. 1 Ճանապարհի և անկախ պաստառ ունեցող երկաթգծի կամ տրամվայի ռելսերի հատում է տարբեր մակարդակների վրա:
2. 2 Ճանապարհի և անկախ պաստառ ունեցող երկաթգծի կամ տրամվայի ռելսերի հատում է նույն մակարդակի վրա:
3. 3 Երկաթուղային ռելսերի ցանկացած հատված է:

Ո՞ր դեպքում է նպատակահարմար ճանապարհա-տրանսպորտային պատահարի հետևանքով տուժածին ավտոմեքենայի խցիկից դուրս բերելը:

1. 1 Երբ տուժածը կորցրել է գիտակցությունը և նրա մոտ չի նկատվում շնչառություն և երակազարկ քներակի վրա:
2. 2 Տուժածի ստորին վերջույթների կոտրվածքի դեպքում:
3. 3 Միշտ, տուժածի գիտակցությունը կորցնելու դեպքում: