Տոմսերի ամբողջական ցանկ

Համապատասխան ճանապարհային նշանների և գծանշումների բացակայության դեպքում, ոչ ռելսագնաց տրանսպորտային միջոցների երթևեկության համար գոտիների քանակը սահմանվում է.

1. 1 Տեղական ինքնակառարման մարմնի կողմից:
2. 2 Օրենքով, որի համաձայն այսպիսի ճանապարհը համարվում է միակողմ երթևեկությամբ ճանապարհ:
3. 3 Իր`վարորդի կողմից, երթևեկելի մասի լայնության, տրանսպորտային միջոցների եզրաչափերի և դրանց միջև պարտադիր միջտարածության նախատեսմամբ:

Այն երկկողմ երթևեկությամբ ճանապարհի վրա, որն ունի բաժանարար գոտի,հանդիպակաց ուղղության երթևեկության կողմ է համարվում.

1. 1 Բաժանարար գոտուց աջ գտնվող երթևեկելի մասը
2. 2 Այս տոմսում թվարկված ոչ մեկը
3. 3 Բաժանարար գոտուց ձախ գտնվող երթևեկելի մասը

Եթե Ճանապարհային երթևեկության կազմակերպմամբ այլ բան չի նախատեսված, երկու կամ երեք երթևեկելի մաս ունեցող ճանապարհի վրա տրանսպորտային միջոցի վարորդին արգելվում է.

1. 1 Հանդիպակաց ուղղությամբ երթևեկության կողմի երթևեկելի մաս մուտք գործել:
2. 2 Համընթաց ուղղությամբ երթևեկության կողմի երթևեկելի մասի վրա փոխել երթևեկության գոտին:

Վարորդը, որը մտադիր է կատարել որևէ մանևր, այդ մանևրը պետք է սկսի միայն նրանից հետո, երբ կհամոզվի, որ.

1. 1 Վտանգ չի ստեղծի իր հետևից, առջևից և կողքից ինչպես համընթաց, այնպես էլ հանդիպակաց ուղղությամբ երթևեկող ճանապարհային երթևեկության մասնակիցներին, նրանց գտնված տեղի, շարժման ուղղության և արագության նախատեսմամբ:
2. 2 Վտանգ չի ստեղծի միայն իր հետևից կամ կողքից երթևեկող տրանսպորտային միջոցներին, նրանց գտնված տեղի, շարժման ուղղության և արագության նախատեսմամբ:

Երկկողմ երթևեկությամբ ճանապարհի երթևեկելի մասի առանցքի վրա տեղակայված անվտանգության կղզյակը կամ ուղեսյունը վարորդը պետք է շրջանցի.

1. 1 Միայն աջ կողմից:
2. 2 Միայն ձախ կողմից:
3. 3 Աջ կամ ձախ կողմից:

Ունի՞ արդյոք վարորդն իրավունք առանց առանձնահատուկ հիմունքի, չափից ավելի ցածր արագությամբ դժվարացնել մյուս տրանսպորտային միջոցների տեղափոխությունը:

1. 1 Ունի իրավունք, քանի որ ճանապարհային երթևեկության կանոնների համաձայն արգելվում է միայն թույլատրելի առավելագույն արագության գերազանցումը:
2. 2 Ունի իրավունք, եթե նա երթևեկում է երթևեկության ամենաեզրային աջ գոտիով:
3. 3 Չունի իրավունք:

Եթե վազանցի ժամանակ առաջանում է խոչընդոտ կամ վտանգ, որը մինչև վազանցը սկսելը վարորդը չէր կարող նախատեսել, նա պարտավոր է:

1. 1 Տա ձայնային ազդանշան և շարունակի վազանցի մանևրի կատարումը:
2. 2 Ավելացնել արագությունը, որպեսզի ժամանակին ավարտի վազանցման մանևրը:
3. 3 Ընդհատի վազանցելը:

Եթե կարգավորողի ազդանշանը միաժամանակ թույլ է տալիս երթևեկել փոխադարձաբար հատող հետագծով երթևեկող ոչ ռելսագնաց տրանսպորտային միջոցներին, վարորդները պետք է ղեկավարվեն.

1. 1 Միայն առավելությունը սահմանող ճանապարհային գծանշումների պահանջներով:
2. 2 Չկարգավորվող խաչմերուկն անցնելու կանոններով և խաչմերուկում տեղադրված առավելության նշաններով:

Եթե ճանապարհային երթևեկության կանոնների պահանջների համաձայն վարորդը պարտավոր է ճանապարհը զիջել ճանապարհային երթևեկության մյուս մասնակիցներին, նա ճանապարհը զիջելու վերաբերյալ իր մտադրությունը պետք է արտահայտի հստակ կերպով.

1. 1 Արագության նվազեցմամբ կամ կանգնելով
2. 2 Այս տոմսում թվարկված ցանկացած գործողությամբ
3. 3 Ձայնային կամ լուսային ազդանշան տալով

Թույլատրվո՞ւմ է արդյոք տրանսպորտային միջոցի կայանում ճանապարհի երթևեկելի մասի ձախ կողմում:

1. 1 Թույլատրվում է ցանկացած ճանապարհի վրա, որի մեջտեղում չկա տրամվայի գիծ:
2. 2 Թույլատրվում է միայն չբնակեցված վայրերում:
3. 3 Չի թույլատրվում:
4. 4 Թույլատրվում է միայն բնակավայրում այն ճանապարհի վրա, որտեղ յուրաքանչյուր ուղղության համար մեկ երթևեկելի գոտի կա, առանց մեջտեղում տրամվայի գծերի:

Տրանսպորտային միջոցի կայանումը չի արգելվում.

1. 1 Այս տոմսում թվարկված բոլոր տեղերում արգելված է
2. 2 Բակից դուրս եկող ավտոմեքենայի ելքի մոտ
3. 3 Կանգառն արգելող ճանապարհային նշանի ազդման գոտում
4. 4 Ճանապարհի երթևեկելի մասի վրա երկաթուղային գծանցի մոտ, 50 մետրից ավելի մոտ

Եթե վարորդը չի կարող որոշել ճանապարհի վրա ծածկույթի առկայությունը (մթության, ձյունի, ցեխի կամ այլ պատճառով) և ոչ էլ առավելության նշաններ կան, համարվում է, որ նա գտնվում է.

1. 1 Ավտոմայրուղուն հավասարեցված ճանապարհի վրա:
2. 2 Գլխավոր ճանապարհի վրա:
3. 3 Երկրորդական ճանապարհի վրա:

Այն դեպքում, երբ ճանապարհին ճանապարհային աշխատանքներ կատարող կազմակերպության ավտոմեքենայի վրա տեղադրված ժամանակավոր ճանապարհային նշանի պահանջները հակասում են նույն ճանապարհահատվածի վրա ստացիոնար տեղադրված ճանապարհային նշանի պահանջներին, վարորդը պարտավոր է կատարել.

1. 1 Ճանապարհային աշխատանքներ իրականացնող կազմակերպության ավտոմեքենայի վրա տեղադրված ժամանակավոր ճանապարհային նշանի պահանջները:
2. 2 Ստացիոնար տեղադրված ճանապարհային նշանի պահանջները:

Ունի՞ արդյոք վարորդը այն խաչմերուկ մուտք գործելու իրավունք, որտեղ ստեղծված է այնպիսի արգելափակոց, որ նա, հավանաբար, հարկադրված կլինի կանգ առնել խաչմերուկում և դրանով լայնակի ուղղությամբ երթևեկությանը խոչընդոտ կստեղծի:

1. 1 Չունի իրավունք:
2. 2 Ունի իրավունք, եթե լուսացույցի ազդանշանը երթևեկելու իրավունք է տալիս:

Հանդիպակաց ուղղությունից եկող մեխանիկական տրանսպորտային միջոցի լապտերների լույսով շլանալու դեպքում, վարորդը պարտավոր է:

1. 1 Միացնել հեռահար լուսավորման լապտերները
2. 2 Առանց երթևեկության գոտին փոխելու, իջեցնել արագությունը, իսկ անհրաժեշտության դեպքում կանգնել և միացնել վթարային լուսային ազդանշանը: Երթևեկությունը թույլ է տրվում վերսկսել միայն տեսողության լրիվ վերականգնումից հետո
3. 3 Լապտերների լույսի պարբերական փոխարկումով տեղեկացնել հանդիպակաց տրանսպորտային միջոցի վարորդին նշված խնդրի մասին
4. 4 Իջեցնել արագությունը, որքան հնարավոր է արագ վերադասավորվել ամենաեզրային աջ երթևեկելի գոտի և անհրաժեշտության դեպքում կանգնել

Մեխանիկական տրանսպորտային միջոցի վրա առջևի հակամառախուղային լապտերները պետք է տեղադրված լինեն.

1. 1 Այն ձևով, որ նրա լուսավորող մակերևույթի ոչ մի կետ չգտնվի մոտակա լուսավորման լապտերների լուսավորող մակերեսի ամենաբարձր կետից վերև:
2. 2 Ըստ վարորդի հայեցողության:
3. 3 Այն ձևով, որ նրա լուսավորող մակերեսի ոչ մի կետ չգտնվի եզրաչափային լույսերի լուսավորող մակերեսի ամենացածր կետից ցածր:

Եթե ճանապարհա-տրանսպորտային պատահարի հետևանքով վնասվել է տուժածի ողնաշարը, նրան պետք է.

1. 1 Պառկեցնել կողքի վրա և պինդ մակերևույթի վրա, գլխի տակ բարձ դնել:
2. 2 Պառկեցնել մեջքի վրա, ուղիղ և պինդ մակերևույթի վրա և բարձ դնել պարանոցի և գոտկատեղի տակ:

Անբավարար տեսանելիության պայմաններում կամ նեղ ոլորապտույտ ճանապարհներով երթևեկելիս` հակամառախուղային լապտերների միացումն իրականացվում է.

1. 1 Վթարային լուսային ազդանշանի հետ:
2. 2 Հեռահար և մոտակա լուսավորման լապտերների հետ:
3. 3 Միայն առջևի և հետին եզրաչափային լույսերի հետ:

Առջևի եզրաչափային լույսերով կահավորված մեխանիկական տրանսպորտային միջոցի վրա այսպիսի լույսերը պետք է միացվեն․

1. 1 Միայն մոտիկ լույսի լապտերների հետ
2. 2 Հեռու կամ մոտիկ լույսի լապտերների հետ կամ առջևի հակամառախուղային լապտերների հետ
3. 3 Միայն հեռու լույսի լապտերների հետ
4. 4 Միայն առջևի հակամառախուղային լապտերների հետ

Եթե ճանապարհա-տրանսպորտային պատահարի հետևանքով վնասվել է տուժածի ողնաշարը, նրա փոխադրումը պետք է իրականացվի.

1. 1 Կողքի վրա պառկած վիճակում` ուղիղ և պինդ մակերևույթի վրա:
2. 2 Նստած վիճակում` ուղիղ և պինդ մակերևույթի վրա:
3. 3 Մեջքի վրա պառկած վիճակում` ուղիղ և պինդ մակերևույթի վրա: