Полный список билетов

Аккаг фæндагон нысæнтты æмæ бæрджыты нæ уæвынады цауы, æнæрельсон транспортон фæрæзты змæлынæн хæххыты бæрц (нымæц) бæрæггонд цæуы:

1. 1 Бынæттон хæдуынаффæйы органты
2. 2 Закъонæй, кæцымæ гæсгæ ахæм хуызон фæндаг нымад цæуы иувæрсон (иуæрдæм) змæлæн фæндагыл
3. 3 Скъæрæгæн йæхæдæг, цæуæн хайы (фæндаджы) фæтæны, транспортон фæрæзты габариты æмæ уыдоны ‘хсæн æнæмæнгхъæугæ интервалы хыгъдмæ гæсгæ

Уыцы дывæрсон змæлæн фæндагыл, кæцыйæн ис дихгæнæг хахх, комкоммæ æрдæмады змæлды фарсæй нымад цæуы:

1. 1 Дигæнæг хаххы рахизæрдыгæй уæвæг цæуæн хай
2. 2 Ацы билеты ранымадæй иу дæр нæ
3. 3 Дигæнæг хаххы галиуæрдыгæй уæвæг цæуæн хай

Кæд фæндæгты змæлды организацигондæй æндæр исты нæу æркастгонд дыууæ кæнæ æртæ цæуæн хайæ конд фæндагыл, транспортон фæрæзы скъæрæгæн бар нæй:

1. 1 Комкоммæ æрдæмады змæлды æрдыгæй цæуæн хайыл (фæндагыл) ахизын
2. 2 Фæрсмæ æрдæмады змæлды æрдыгæй цæуæн хайыл (фæндагыл) змæлды хæххыты фæивын

Скъæрæг, кæцы хъавы исты маневры сæххæст кæнын, уыцы маневры хъуамæ райдайа æрмæстдæр уый фæстæ, æмæ фидарæй куы зона, цæмæй:

1. 1 Не скæндзæн тас йæ фæстæ, йæ разæй æмæ йæ фарсмæ куыд иумæйæ, афтæма комкоммæ æрдæмадмæ змæлæг фæндагон змæлды хайадисджытæн, уыдоны бынæтты, змæлды æрдæмады æмæ тагъдады рагацау зонгæйæ
2. 2 Не скæндзæн тас æрмæст йæ фæстæ кæнæ йæ фарсмæ змæлæг транспортон фæрæзтæн, уыдонæн сæ бынæтты, змæлды æрдæмады æмæ тагъдады рагацау зонгæйæ

Дывæрсон змæлæн фæндаджы цæуæн хайы сæмæныл лæууæг æдасдзинады сакъадахæн кæнæ насосæн (цъирæн) скъæрæг хъуамæ йæ фæрсты æрбахиза:

1. 1 Æрмæст рахизæрдыгæй
2. 2 Æрмæст галиуæрдыгæй
3. 3 Рахиз кæнæ галиуæрдыгæй

Ис æви нæ бар скъæрæгæн æнæ сæрмагонд бындурæй, хæрз ныллæг тагъдады змæлдæй къуылымпы кæна æндæр транспортон фæрæзты змæлынæн?

1. 1 Ис ын бар, уымæн æмæ фæндæгты змæлды уагæвæрдтæм гæсгæ бар нæй æрмæст барлæвæрдон максималон тагъдады фæфылдæр кæнын
2. 2 Ис ын бар, кæд æмæ уый змæлы кæройнаг рахиз змæлæн хаххыл
3. 3 Нæй ын бар

Кæд æмæ фæразæй кæныны (обгоны) рæстæджы фæзынд къуылымпыдзинад (барьер) кæнæ тас, кæцы фæразæйы райдыдмæ скъæрæгæн нæ уыд зындгонд, скъæрæг хæсджын у:

1. 1 Ратта зæлон сигнал æмæ адаргъ кæна разæй фæуыны маневры æххæст кæнын
2. 2 Фæфылдæр кæна тагъдад, цæмæй рæстæгыл фæуа разæй фæуыны (обгон аразын) маневр
3. 3 Фæразæй кæнын (обгон аразын) æрурома

Кæд уаг дæттæджы сигнал æмрæстæджы змæлды иу кæны æмцæхгæрмæ траекторитæй змæлгæ æнæрельсон транспортон фæрæзты, скъæрджытæ хъуамæ къухдариæг кæной:

1. 1 Æрмæст приоритеты бæрæггæнæг фæндагон бæрджыты домæнтæй
2. 2 Æнæ регулироватгонд алвæндаджы (перекрестокы) ацæуыны æгъдæутты æмæ алвæндагыл (перекрестокыл) æвæрд приоритеты нысæнтæй.

Кæд фæндæгты змæлды уагæвæрдты домæнтæм гæсгæ скъæрæг хæсджын у фæндаг ратта æндæр фæндагон змæлды хайадисджытæн, уый фæндаг раттыны фæдыл йæ хъавд (фæнд) хъуамæ ирдæй равдиса:

1. 1 Тагъдады æрныллæгæй кæнæ æрлæудæй
2. 2 Ацы билеты ранымад кæцыфæнды архайддзинадæй
3. 3 Зæлон кæнæ рухсы сигналы раттынæй

Барлæвæрд ис æви нæ транспортон фæрæзы лæуд цæуæн хайы галиу æрдыгæй?

1. 1 Барлæвæрд ис кæцыфæнды фæндагыл, кæцыйы ‘хсæны нæй трамвайы рельстæ
2. 2 Барлæвæрд ис æрмæст æдзæрæг пунктты
3. 3 Барлæвæрд нæй
4. 4 Барлæвæрд ис æрмæст цæрæгджын пункты уыцы фæндагыл, цыран алкæцы æрдæмадæн ис иу змæлæн хахх, се ‘хсæны æнæ трамвайы рельсытæй

Транспортон фæрæзы лæуд бар ис:

1. 1 Ацы билеты ранымад алы бынаты дæр тобæгонд у
2. 2 Кæртæй автомобилы рахизæны
3. 3 Æруромыны бар нæ дæттæг фæндагон нысаны архайды зонæйы
4. 4 Фæндаджы цæуæн хайыл æфсæнвæндаджы ахизæнмæ 50 метры æввахсмæ

Кæд скъæрæг нæ фæхата фæндагыл æмбæрзæны уæвынады (талынджы, миты, цъыфы кæнæ æндæр аххосагæй) æмæ дзы нæдæр приоритеты нысæнттæ ис, нымад цæуы, æмæ уый ис:

1. 1 Автомагисталимæ æмхузон фæндагыл
2. 2 Сæйраг (централон) фæндагыл
3. 3 Фæрсагон фæндагыл

Уыцы цауы, кæд фæндагыл фæндаджы куыстытæгæнæг организацийы автомобилыл æвæрд рæстæгмæ фæндагон нысаны домæнтæ ныхмæ сты уыцы фæндаджы фадыгыл стационарон æвæрд фæндагон нысаны домæнтæм скъæрæг хæсджын у сæххæст кæна:

1. 1 Фæндаджы куыстытæгæнæг организацийы автомобилыл æвæрд рæстæгмæ фæндагон нысаны домæнтæ
2. 2 Стационарон æвæрд фæндагон нысаны домæнтæ

Ис æви нæ бар скъæрæгæн ахиза алвæндагыл (перекрестокыл), кæцыйыл арæзт ис ахæм цæнд, æмæ уый æвæццæгæн тыхфæлгъуыд уыдзæн æрурома алвæндагыл (перекрестокыл) æмæ уымæй цæхгæрмæ æрдæмадмæ змæлды бакъуылымпы кæна?

1. 1 Нæй ын бар
2. 2 Ис ын бар, кæд æмæ рухснысаны (светофоры) сигнал дæтты змæлды бар

Комкоммæ æрдæмадæй рацæугæ механикон транспортон фæрæзы фарæты рухсæй цæстытæ атарыты цауы, скъæрæг хæсджын у:

1. 1 Сиу кæна дардмæ рухсгæнæны фарæтæ
2. 2 Змæлды хаххы æнæфæивгæйæ æрныллæг кæна тагъдад, фæлæ æнæмæнгхъæугæ цауы æрурома æмæ сиу кæна аварион рухсы сигнализаци. Змæлд сонг кæнын гæнæн ис æрмæстдæр цæстырухсы сæндидзыны фæстæ
3. 3 Фарæты рухсы фæлтæргай (периодиконæй) раиу кæнынæй бамбарын кæна фембæлæг транспортон фæрæзы скъæрæгæн уыцы проблемæйы тыххæй
4. 4 Æныллæг кæна тагъдад, цас гæнæн ис тагъддæр ахиза кæройнаг рахиз цæуæн хаххмæ æмæ æнæмæнгхъæугæйы цауы æрурома

Механикон транспортон фæрæзыл раззаг антиасæстон фарæтæ (туманиктæ) æвæрд хъуамæ уой:

1. 1 Уыцы хуызæй, цæмæй йæ рухсгæнæн уæлцъары иу тæпп дæр ма уа æввахсмæ рухсы фарæты рухсгæнæн уæлцъары иууыл бæрзонддæр тæппы уæле
2. 2 Скъæрæджы цæстæнгасмæ гæсгæйæ
3. 3 Уыцы хуызæй, цæмæй йæ рухсгæнæн уæлцъары иу тæпп дæр ма уа габаритон рухсыты рухсгæнæн уæлцъары иууыл ныллæгдæр тæппы бын

Кæд фæндагон-транспортон цауы (аварийы) фæстиуæгæн зиан баййафæгæн йæ рагъыстæг базиан ис, уый хъуамæ:

1. 1 Æрхуыссын æй кæнæм йæ фарсыл, раст æмæ хъæбæр уæлцъарыл, йæ сæры бын ын бакæнæм баз
2. 2 Æрхуыссын æй кæнæм йæ чъылдымыл, раст æмæ хъæбæр уæлцъарыл, йæ сæры бын ын бакæнæм баз

Æнæфаг уынынады (æвзарынады) уавæрты кæнæ уынгæг зылын-мылын фæндæгтыл змæлгæйæ, антиасæстон фарæтæ (туманниктæ) иугонд цæуынц:

1. 1 Аварион рухсы сигнализациимæ иумæ
2. 2 Дардмæ æмæ æввахсмæ рухсгæнæн фарæтимæ иумæ
3. 3 Æрмæст раззаг æмæ фæстæг габаритон рухсытимæ иумæ

Раззаг габаритон рухсытæй ифтонггонд механикон транспортон фæрæзыл, ахæм рухсытæ хъуамæ ссудзой:

1. 1 Æрмæст хæстæгмæ рухсгæнæны фарæтимæ иумæ
2. 2 Дардмæ кæнæ хæстæгмæ рухсгæнæны фарæтимæ кæнæ раззаг мигъыныхмæ фарæтимæ иумæ
3. 3 Æрмæст дардмæ рухсгæнæны фарæтимæ иумæ
4. 4 Æрмæст раззаг мигъыныхмæ фарæтимæ иумæ

Кæд фæндагон-транспортон цауы (аварийы) фæстиуæгæн зиан баййафæгæн йæ рагъыстæг базиан ис, уый хъуамæ транспортæй конд æрцæуа:

1. 1 Йæ фарсыл æрхуысгæ уавæры, раст æмæ хъæбæр уæлцъарыл
2. 2 Бадгæ уавæры, раст æмæ хъæбæр уæлцъарыл
3. 3 Йæ чъылдымыл æрхуысгæ уавæры, раст æмæ хъæбæр уæлцъарыл