Տոմսերի ամբողջական ցանկ

Պարտավո՞ր է արդյոք ճանապարհով երթևեկող տրանսպորտային միջոցի վարորդը ճանապարհը զիջել սպիտակ գույնի ձեռնափայտով տեղաշարժվող կույր հետիոտնին, որը հատում է երթևեկելի մասը:

1. 1 Պարտավոր չէ:
2. 2 Պարտավոր է, միայն այն դեպքում, եթե կույր հետիոտնը տեղաշարժվում է կարգավորվող հետիոտնային անցման վրա:
3. 3 Պարտավոր է բոլոր դեպքերում:

Ո՞ր դեպքում է պարտավոր վարորդը ճանապարհը զիջել ուղեկցող շան հետ տեղաշարժվող կույր հետիոտնին:

1. 1 Պարտավոր է, միայն այն դեպքում, եթե կույր հետիոտնը տեղաշարժվում է չկարգավորվող հետիոտնային անցման վրա:
2. 2 Պարտավոր է, միայն այն դեպքում, եթե կույր հետիոտնը տեղաշարժվում է կարգավորվող հետիոտնային անցման վրա:
3. 3 Պարտավոր է բոլոր դեպքերում:

Ճանապարհով երթևեկելիս` ստորև թվարկված ո՞ր դեպքում պարտավոր չէ մեխանիկական տրանսպորտային միջոցի վարորդն օգտվել անվտանգության ամրագոտուց:

1. 1 Եթե նա սահմանափակ կարողություններով անձ է:
2. 2 Եթե նա երթևեկում է օպերատիվ ծառայության ավտոմեքենայով:
3. 3 Եթե մեխանիկական տրանսպորտային միջոցի կառուցվածքը չի նախատեսում անվտանգության ամրագոտիներ
4. 4 Եթե նա երթևեկում է բնակավայրում:

Ստորև թվարկված ո՞ր գործոնը չի ներգործում վարորդի գործողության վրա.

1. 1 Թվարկվածներից ոչ մի պատասխան ճիշտ չէ:
2. 2 Հոգնածությունը:
3. 3 Ալկոհոլի ընդունումը:
4. 4 Անքնությունը:

Միացած արտաքին լուսային սարքավորումներով կամ բաց դռներով կանգնած տրանսպորտային միջոցների երկայնքով երթևեկելիս` վարորդը պետք է.

1. 1 Տա ձայնային ազդանշան և ավելացնի արագությունը:
2. 2 Ցուցաբերի առանձնահատուկ զգուշություն, որպեսզի կանխի ճանապարհի վրա հետիոտների և երեխաների անսպասելի հայտնվելով առաջացած վտանգը:
3. 3 Նվազեցնի արագությունը և միացնի վթարային լուսային ազդանշանը, որպեսզի կանգնած տրանսպորտային միջոցի անսպասելի շարժվելու դեպքում, ժամանակին կանխի վտանգը:

Պարտավո՞ր է արդյոք վարորդը առանձնահատուկ զգուշություն ցուցաբերել ոտքով տեղաշարժվող երեխաների, տարեցների և սահմանափակ կարողություններով անձանց հանդեպ:

1. 1 Պարտավոր է:
2. 2 Պարտավոր չէ:

Թույլատրվո՞ւմ է արդյոք վարորդին, տրանսպորտային միջոցը վարելիս, օգտվել բջջային հաղորդակցության միջոցից:

1. 1 Թույլ չի տրվում ցանկացած դեպքում:
2. 2 Թույլ է տրվում, եթե նա օգտվում է բջջային հաղորդակցության բարձրաձայն խոսելու գործառույթից, և երկու ձեռքն էլ ազատ է տրանսպորտային միջոցը վարելու համար:
3. 3 Թույլ է տրվում, եթե մեկ ձեռքն ազատ է`տրանսպորտային միջոցը վարելու համար:

Կամուրջների, էստակադների, բարձր լարման հաղորդիչների տակ, նաև մինչև թունելներ անցնելը, ավտոբուսի և բեռնատար ավտոմեքենայի վարորդը պարտավոր է:

1. 1 Ճանապարհը զիջել թեթև մարդատար ավտոմեքենաների վարորդներին:
2. 2 Համոզվել տրանսպորտային միջոցի անցնելու անվտանգության մեջ:
3. 3 Միացնել վթարային լուսային ազդանշանը:

Ստորև թվարկված ո՞ր անսարքության ժամանակ է արգելվում վարորդին տրանսպորտային միջոցով երթևեկել:

1. 1 Այս տոմսում թվարկված ցանկացած դեպքում
2. 2 Միայն ղեկային համակարգի անսարքության ժամանակ
3. 3 Միայն ձայնային ազդանշանի անսարքության ժամանակ
4. 4 Միայն հակամառախուղային լապտերների անսարքության ժամանակ

Մառախուղի, անձրևի կամ ձյունաթափի ժամանակ մեխանիկական տրանսպորտային միջոցի վարումն արգելվում է.

1. 1 Հակամառախուղային լապտերների բացակայության ժամանակ:
2. 2 Այս տոմսում թվարկված ցանկացած դեպքում
3. 3 Վարորդի կողմի ապակեմաքրիչները չաշխատելու դեպքում:
4. 4 Վթարային կանգառի նշանի բացակայության դեպքում:

Օրվա մութ ժամանակ, մեխանիկական տրանսպորտային միջոցի մոտակա և հեռահար լապտերների միաժամանակ շարքից դուրս գալու (հանգչելու) դեպքում, վարորդին արգելվում է.

1. 1 Այն ճանապարհով երթևեկելը, որտեղ չկա արհեստական լուսավորում:
2. 2 Երթևեկել արհեստականորեն լուսավորված երկկողմ երթևեկությամբ ճանապարհով:
3. 3 Ցանկացած ճանապարհով երթևեկելը, անկախ նրանից այնտեղ կա, թե` չկա արհեստական լուսավորում:

Անբավարար կամ սահմանափակ տեսանելիության պայմաններում, վարորդը պետք է.

1. 1 Նվազեցնի արագությունը և ավելացնի միջտարածությունը իր և իր առջևից ընթացող տրանսպորտային միջոցի միջև:
2. 2 Միացնի վթարային լուսային ազդանշանը և երթևեկի երթևեկելի մասի ամենաեզրային ձախ կողմում:
3. 3 Միացնի վթարային լուսային ազդանշանը և նվազեցնի միջտարածությունը իր և իր առջևից ընթացող տրանսպորտային միջոցի միջև:

Վարորդը պետք է գիտակցի, որ ամենից հաճախ ճանապարհը սառած է.

1. 1 Բնակավայրերի կենտրոնական փողոցներում:
2. 2 Կամրջի, ուղեանց կամուրջների և էստակադների վրա:
3. 3 Թունելներում, որտեղ չկա արհեստական լուսավորում:

Ճանապարհի լուսավոր հատվածից մութ հատված մուտք գործելիս` վարորդը պետք է նկատի ունենա, որ.

1. 1 Այն դանդաղ է ընտելանում մթությանը, որի պատճառով վարորդի առջև առկա հնարավոր խոչընդոտները դժվար նկատելի են:
2. 2 Մեծանում է տրանսպորտային միջոցի արգելակման համար անհրաժեշտ ժամանակը և տարածությունը:
3. 3 Պարտադիր է հակամառախուղային լապտերների միացումը:

Գիշերը ճանապարհի վատ լուսավորված կամ անհամաչափ լուսավորված հատվածներով երթևեկելիս` վարորդը պետք է նկատի ունենա, որ.

1. 1 Մեծանում է տրանսպորտային միջոցի արգելակման համար անհրաժեշտ ժամանակը և տարածությունը:
2. 2 Պարտադիր է վթարային լուսային ազդանշան միացնելը:
3. 3 Դժվարացած է ճանապարհային երթևեկության մասնակիցների կողմից միմյանց նկատելը:

Սառած ճանապարհային հատվածի վրա վարորդը.

1. 1 Ըստ հնարավորինս պետք է խուսափի արգելակումից, արագության փոփոխումից և ուղղության կտրուկ փոփոխումից:
2. 2 Արգելակման համար լրացուցիչ պետք է օգտագործի ձեռքով ղեկավարվող արգելակը:
3. 3 Ուղղության փոփոխումը պետք է իրականացնի ղեկի կտրուկ պտտումով և արագության ավելացմամբ:

Անձրևի և ձյունաթափի ժամանակ երթևեկելիս` վարորդը պետք է.

1. 1 Նվազեցնի միջտարածությունը իր և իր առջևից ընթացող տրանսպորտային միջոցի միջև:
2. 2 Նվազեցնի արագությունը և ավելացնի միջտարածությունը իր և իր առջևից ընթացող տրանսպորտային միջոցի միջև:
3. 3 Միացնի վթարային լուսային ազդանշանը:

Անձրևի և ձյունաթափի ժամանակ երթևեկելիս` վարորդը պետք է նկատի ունենա, որ.

1. 1 Նպատակահարմար է իր և իր առջևից ընթացող տրանսպորտային միջոցի միջև նվազեցնել միջտարածությունը:
2. 2 Արգելվում է հետընթաց երթևեկությունը:
3. 3 Ավելանում է տրանսպորտային միջոցի արգելակման համար անհրաժեշտ ժամանակը և տարածությունը, բացի այդ, տեղումները վատթարացնում են տեսանելիությունը:

Անձրևի ժամանակ ճանապարհի մակերևույթը ցեխոտվում է և ստեղծում սայթաքման վտանգ, ինչի պատճառով վարորդը պետք է.

1. 1 Նվազեցնի արագությունը դանդաղ արգելակմամբ:
2. 2 Նվազեցնի արագությունը կտրուկ արգելակմամբ:
3. 3 Ավելացնի արագությունը:

Վարորդը պետք է նկատի ունենա, որ.

1. 1 Ոլորանում արգելակման կտրուկ օգտագործումը կամ/և այնտեղ մեծ արագությամբ մուտքը հնարավոր է հարուցի տրանսպորտային միջոցի կառավարման վերահսկման կորուստ:
2. 2 Նպատակահարմար է շրջադարձը կատարել բարձր արագությամբ:
3. 3 Ոլորան մտնելու համար արագության նվազեցումը պետք է կատարվի կտրուկ արգելակմամբ: